🛑वडखळ पोलिसस्टेशनने लावलेल्या सी .सी टीव्ही फुटेजमुळे महिलेला मिळाले तिचे स्त्रीधन .

    ✍🏻गडब / अवंतिका म्हात्रे

     दिनांक-16/04/2025 रोजी 23.00 वाजता श्रीमती मेघा अजित म्हात्रे, वय -47 वर्ष, रा. नवीन पनवेल यांनी व त्यांचे नातेवाईक यांनी वडखळ ते पेझारी असा रिक्षाने प्रवास केला. त्या दरम्यान त्यांच्याकडे असणारी पर्स रिक्षामधे विसरली. त्यात नऊ तोळे वजनाचे मंगळसूत्र, अडीच तोळे वजनाचे कानातले, दीड तोळ्याचा हार असा एकूण 13. 5 तोळे वजनाचे सोन्याचा ऐवज होता.

    सदरची सोन्याचे दागिने असलेली पर्स रिक्षामध्येच विसरल्या असल्याने श्रीमती मेघा अजित म्हात्रे या घाबरल्या स्थितीत सदरची बाब पोलीस स्टेशनला सांगण्याकरिता आल्या होत्या. त्यांच्या सांगण्यानुसार आम्ही, पोसई सांगळे, पोसई ठाकूर, पोहवा /2027 म्हात्रे, पोहवा /750 घरत, मपोह /80 शेरमकर,  पोहवा /2318 मेहेतर, पोहवा /2385 वाघमारे , पोशि /360 भोईर यांचे तात्काळ पथक तयार करून पोयनाड नाका, वडखळ येथील सीसीटीव्ही कॅमेरे चेक करून मिळालेल्या फुटेजच्या आधारे सदर रिक्षाचा शोध घेतला. तो MH-06-BV-4512 असा असून तो ज्ञानवाडी येथील अविनाश अर्जुन नाईक याचा असल्याचे समजले . त्यामुळे त्याच्याकडे त्याला विश्वासात घेऊन चौकशी केली असता पर्स व पर्समध्ये असलेल्या सोन्याबाबत विचारणा केली असता त्यांनी ती बॅग काढून दिली. सदर पर्समध्ये गहाळ झालेल्या सर्व दागिने व वस्तू श्रीमती मेघा अजित म्हात्रे यांनी खात्री केली असता ते आमचेच आहेत असे सांगितल्याने त्याची खात्री करून सदर गहाळ झालेल्या सर्व वस्तू व सोन्याचे दागिने त्यांच्या ताब्यात देण्यात आलेले आहेत.

    या उत्कृष्ट तपासाबाबत वडखळ पोलीस स्टाफ तसेच पोयनाड पोलीस स्टाफ यांचे परिसरातून कौतुक होत आहे .