🛑गावच्या सरपंचानीच केला विवाहित महिलेवर अत्याचार ! पेण पोलीस ठाण्यात गुन्हा दाखल

Responsive Ad Here

✍🏻गडब/अवंतिका म्हात्रे*

हमरापूर गावचे सरपंच राकेश दाबाडे यांनी गेली १५ वर्ष विवाहित महिलेवर अत्याचार केला.पीडित महिला बुरुड समाजाची असल्याने तिला धमकवण्यात आले.आणि तिच्याकडून शरीर सुखाची मागणी केली .

याविषयी सविस्तर वृत्त असे की राकेश दाबाडे हे हमरापुर गावचे विद्यमान सरपंच असून २०१० च्या सुमारास या पीडित महिलेशी प्रेम संबंध जुळले.त्यातूनच लग्नाच्या अनाभाता घेतल्या परंतु पीडित महिला ही खालच्या जातीची म्हणजे बुरुड समाजाची असल्याने तिला विवाह करण्यास नकार दिला. नंतरच्या काळात तिला धमकावण्यात आले.

तिच्या अश्लील फोटोच प्रदर्शन मांडेन अस तिला सांगण्यात आले.तसेच समाज माध्यमांवर हे फोटो वायरल केली जातील अशी सुद्धा धमकी देण्यात आली.ह्या धमकीला बळी पडून ती महिला या राकेशच्या जाळ्यात गुंतत गेली.जवळपास १५ वर्ष राकेशचा हा अत्याचार ही सहन करत गेली.राकेश याने आत्ता पर्यंत झी.गार्डन हॉटेल, कोंबडपाडा , रामवाडी येथील युनायटेड बिल्डिंग अश्या वेगवेगळ्या ठिकाणी या पीडित महिलेवर अत्याचार केल्याचे पोलिस फिर्यादीत लीहले आहे. महत्वाची बाब म्हणजे या पीडित महिलेला हा अत्याचार सहन न झाल्याने ती राकेश याच्या पत्नीला भेटली परंतु राकेश याच्या पत्नीने तिला धिक्कारले तर त्याच वेळेला राकेश याने तू कमी जातीची आहेस ,तू बुरुड समाजाची आहेस,तू बुरुड जातीची आहेस तुझा माझा संबंध नाही,तुला जे करायचे ते कर असे धमकवण्यात आले. अखेर पीडित महिलेने २१ एप्रील रोजी सायंकाळी पेण पोलिस स्टेशन गाठले. आणि पेण पोलिस ठाण्यात उशिरापर्यंत तिची तक्रार नोंदवण्यात आली.

त्या फिर्यादीनुसार राकेश दाबाडे विरुद्ध भारतीय न्याय सहिता कलम ६४ ६४२-M नुसार गुन्हा नोंदवण्यात आला आहे त्याचप्रमाणे अट्रोसिटी अंतर्गत सुद्धा राकेश दाबाडे याच्याविरुद्ध गुन्हा नोंदविण्यात आला.या गुन्ह्याचा अधिक तपास उपविभागीय पोलीस अधिकारी गजानन टोनपे करत आहेत.त्याचप्रमाणे उशिरा राकेश दाबाडे यांना पेण पोलिसांनी ताब्यात घेतले असून,दुपारच्या सत्रात त्याला न्यायालयासमोर हजार करण्यात येणार आहे.