🛑गडब गावातील नाल्यातून उग्र वास ; ग्रामस्थांच्या जिवितास धोका ; ग्रामसेवक सरपंच अनभिन्न*

Responsive Ad Here

✍🏻गडब / अवंतिका म्हात्रे

पेण तालुक्यातील सर्वात श्रीमंत असणाऱ्या ग्रामपंचायती मधील मुख्य नाल्यात काही समाजकंटक बेफान घाण आणि कचरा टाकत असल्याने या गंभीर बाबीकडे ग्रामपंचायतीला वारंवार कळवूनही त्याकडे जानुबूजून दुर्लक्ष होत असल्याने नाल्या शेजारी राहणाऱ्या नागरिकांना विविध आजार उदभवत आहेत या कचऱ्याच्या ढीगामुळे पुर्ण नाळा तुडूंब भरला असून संबंधीत ग्रामसेवक आणि सरपंच दुर्लक्ष करित असल्याचे जाणवते . यापुर्वी संरक्षणभीत उंच बांधली नसताना गावातील ग्रामस्थ आपल्या साईनुसार जवळ कचरा टाकत होते पण आता संरक्षण भिंत बांधल्या नंतर सदरचा कचरा नाल्याच्या शेजारी राहणाऱ्या लोकांच्या खिडकी समोर एकाच ठिकाणी टाकला जातो त्यामुळे कचऱ्याच ढीगारे साचले आहेत .

संबंधीत ग्रुप ग्रामपंचायतीला वेळोवेळी पत्रव्यवहार करूनही त्याकडे जाणीवपुर्वक दुर्लक्ष होत असल्याचे जाणवते या संदर्भात संबंधीत ग्रामसेवकांना विचारणा केली असता सदर कचऱ्या बाबत दोनदिवसात कारवाई करणार असल्याचे थातूरमातूर उत्तर दिली जातात .

सदर कचऱ्या संदर्भात पत्रकार सुरेश म्हात्रे यांनी ग्रामसभेत विषय मांडला असता सदर कचरा टाकणाऱ्यांवर दंडात्मक कारवाई केली जाईल असा ठराव ग्रामसेवक सरपंच आणि सदस्य व ग्रामस्थ यांच्या समवेत घेण्यात येऊन त्यास संमंती देऊन सुद्धा कोणत्याही प्रकारे आजतोपर एकावरही कारवाई केली गेली नाही .

सदर कचऱ्या संदर्भात गेली सहा महिन्या पुर्वी पत्रकार अवंतिका म्हात्रे यांनी नाल्या शेजारी बांधण्यात आलेल्या संरक्षण भींती संदर्भात अर्ज केला होता की सदर संरक्षण भींत ही वर्क ऑर्डर प्रमाणे बांधली आहे का ? आपल्या पदरात बील पाडण्याच्य हेतूने ही संरक्षण भिंत बांधण्यात आली असून सदर कामाचे बील वर्कऑर्डर तपासून देण्यात यावे असे लेखी दिले असताना बिल दिले असल्याचे समजते .यासंदर्भात पत्रकार म्हात्रे हे पंचायत समिती पेण व जिल्हा परिषद अलिबाग येथे अर्ज करणार असल्याचे समजते .

सदर ग्रामपंचायत येथे करण्यात येणाऱ्या अर्जाना उत्तर न देता प्रत्यक्षात केराची टोपली दाखविली जाते अशा ह्या मुजोर ग्रामपंचायत ग्रामसेवक व सरपंच यांच्यावर कायदेशीर कारवाई करण्यासाठी सदर अर्जदार पंचायत समिती आणि जिल्हा परिषद यांच्याकडे दाद मागणार असल्याचे समजते .