Raigad chi Shan

🛑गडब (काराव ) येथे महाराष्ट्र शासन व वनविभाग महसूल विभागातर्फे जिवंत सातबारा मोहीम संपन्न ; शेतकऱ्यांचा उत्स्फूर्त प्रतिसाद🛑

     ✍🏻गडब / अवंतिका म्हात्रे

        गडब (काराव ) येथे महाराष्ट्र शासन व वनविभाग महसूल विभागातर्फे १०० दिवस कृती कार्यक्रम आराखड्या अंतर्गत जिवंत सातबारा  मोहिमेचे आयोजन १ एप्रिल २०२५ रोजी करण्यात आले होते .

   "जिवंत सातबारा मोहिम " अंतर्गत सातबारा वरील गावातील सर्व मयत खातेदारांच्या वारसांच्या नोंदींची प्रक्रिया पूर्ण कारावयाची आहे मयत खातेदार यांच्या वारसांना शेत जमिनीच्या अनुषंगाने विविध दैनंदिन कामकाजासाठी आवश्यक असणाऱ्या कागदपत्रांमध्ये वारसांची नोंद विहित कालावधीत अधिकार अभिलेखांमध्ये नोंद न झाल्यास अडचणींना सामोरे जावे लागेल , या दृष्टिकोनातून जिवंत सातबारा मोहीम राबविण्याचा निर्णय शासन स्तरावर घेण्यात आला आहे .

      सझा काराव अंतर्गत खारघाट, खारमाचेला, खारर्चिर्बी व सझा खार ढोंबी, खारदेवळी, खारकारावी गावचे 8 अ वाचन करण्यात आले. व ग्राम महसुल अधिकारी ( तलाठी यांनी त्यांच्या सजा अंतर्गत येणाऱ्या गावांमध्ये चावडी वाचन करून न्यायप्रविष्ठ प्रकरणे सोडून गाव निहाय मयत खातेदार यांची यादी तयार करण्याचे आहे .तसेच वारसा संबंधी आवश्यक कागदपत्रे मृत्यू दाखला वारसा बाबत सत्य प्रतिज्ञा लेख स्वयंघोषणापत्र पोलीस पाटील सरपंच ,  ग्रामसेवक यांचा दाखला सर्व वारसांची नावे व पत्ते व दूरध्वनी क्रमांक रहिवास बाबत पुरावा ग्राम महसूल अधिकारी तलाठी यांच्याकडे सादर करणे व ग्राम महसूल अधिकारी तलाठी यांनी स्थानिक चौकशी करून मंडळ अधिकारी यांच्यामार्फत वारस ठराव ही फेरफार प्रणाली मध्ये मंजूर करणे .तसेच ग्राम महसूल अधिकारी तलाठी यांनी ई फेरफार प्रणालीमध्ये वारस फेरफार तयार करावा त्यानंतर मज म 1966 च्या विहित कार्यपद्धतीचा अवलंब करून मंडळ अधिकारी यांनी वारस फेरफार व निर्णय घेऊन त्यानुसार सातबारा दुरुस्त करावा जेणेकरून सर्व जिवंत व्यक्ती सातबारावर नोंदविल्या जातील .

 

        वरील कालबद्ध कार्यक्रम राबवण्यात करता गडब काराव हद्दीत सदर "जिवंत सातबारा मोहिमे "च्या आयोजन करण्यात आले होते .

 सदर वेळी ग्राम पंचायत  काराव येथे याबाबत मा.उपविभागीय अधिकारी पेण श्री प्रविण पवार सर व तहसीलदार पेण श्री तानाजी शेजाळ यांनी माहिती देऊन उपस्थित शेतकऱ्यांना मोलाचे मार्गदर्शन केले.सदरवेळी ग्रामपंचायत सरपंच  काराव मानसी पाटील , मंडळ अधिकारी श्रीम.भक्ती चव्हाण, ग्राम महसूल अधिकारी  काराव/खारढोंबी श्री संजय शिंगे, श्रीम माधुरी साबळे, श्री विशाल दिंडे, कृषी सहाय्यक प्राजक्ता बारवे तसेच शेतकरी खातेदार मोठया संख्येने उपस्थित होते.