📍गडब ग्रामपंचायतीचा सुका कचरा जातोय नाल्यात;ठीक - ठिकाणी सुक्या पिशव्यांचा खच!

Responsive Ad Here

गडब/सुरेश म्हात्रे

सरकारने एकीकडे प्लास्टिक वापरावर बंदी घातलेली असताना पेण तालुक्यातील गडब ग्रुप ग्रुप ग्रामपंचायतीत काही अडाणी लोक सुका कचरा व ओला कचरा नाल्यात तसाच फेकून देत असल्याने त्यातून होणाऱ्या दुर्गंधीचा सामना येथील रहिवाश्यांना करावा लागत आहे.

त्यामुळे कचऱ्यातून मोठ्या प्रमाणात प्लॅस्टिकच्या पिशव्या तर ग्राहकांकडून प्लास्टिकच्या पिशव्यांची मागणी करण्यात येत असल्याचे विक्रेत्यांकडून सांगण्यात येत आहे. त्यामुळे वारंवार दैनिकात बातमी छापूनही ग्रुप ग्रामपंचायत गडबवर कोणताही परिणाम दिसून येत नाही. गडब सारख्या भागात विक्रेते, हॉटेल, हात गाडी वाले, छोटे मोठे व्यावसायिक अशा सर्वच घटकातून बंदी घालण्याची मागणी होत आहे. प्लास्टिक बंदीची मोहीम थंडावल्याने पुन्हा प्लास्टिकचा वापर सुरू झाल्याचे सांगण्यात येते. पेण तालुक्यातील सर्वात मोठ्या ग्रामपंचायतीतील इलेक्शन पूर्वी दिलेल्या आश्वासनांची पूर्तता होताना दिसत नाही. त्यातच प्लास्टिक कचऱ्यांसाठी ढीग नाल्यात टाकल्याने परिसरातून दुर्गंधीयुक्त वास नागरिकांना सहन करावा लागत आहे त्यामुळे बाजारांची लागण होताना दिसत आहे.

ग्रुप ग्रामपंचायत गडब क्षेत्रातील प्लास्टिक बंदी प्रभावीपणे राबवली जात नसल्याचे चित्र दिसून येत आहे. त्यामुळे गावात विविध आजारांना सामोरे जावे लागत आहे. या प्लास्टिक वापरामुळे मटन -चिकन विक्रेते , खाद्यतेल ,फळांची विक्री करणारे यांचे सर्रास फावत आहे. त्याचा नाद त्रास परिसरातील नागरिकांना संभावत आहे.

*असा आहे दंड!*

नागरिक, दुकानदार, व्यावसायिकांकडे ७५ मायक्रॉनपेक्षा कमी जाडीचे, तसेच सिंगल यूज प्लास्टिक आढळल्यास त्यांच्यावर प्रथम वेळेस पाच हजार, दुसऱ्या वेळेस आढळल्यास १० हजार रुपये दंड ठोठावला जातो, मात्र तिसऱ्या वेळी आढळल्यास २५ हजारांचा दंड आणि तीन महिन्यांचा कारावास, अशाप्रकारे कायदेशीर कारवाई करण्यात येते. यात प्लास्टिक पिशव्या, प्लास्टिक कव्हर असलेले मिठाईचे बॉक्स, थर्माकोल व डिस्पोजेबल प्लास्टिकचे ताट, कप, प्लेट, ग्लास आदींचा समावेश आहे