📍पुरुष आणि महिलेत फरक येतोच : गोगावले📍

Responsive Ad Here

गडब/सुरेश म्हात्रे

पालकमंत्री म्हणून अदिती तटकरे अधिक चांगलं काम करू. कारण महिला आणि पुरूष यामध्ये थोडासा फरक येतोच ना. आम्हाला गेल्या १५ वर्षांचा आमदारकीचा अनुभव आहे. त्यामुळे आम्ही सगळ्यांना बरोबर घेऊ आणि काम करू असे भरत गोगावले यांनी म्हटले आहे. रायगडमधल्या सहाच्या सहा आमदारांची, आम्हा सगळ्यांची एकच मागणी आहे की, पालकमंत्री हा भरतशेट असला पाहिजे. आमची ही मागणी शेवटपर्यंत, अगदी शेवटच्या टोकापर्यंत राहील. अदिती तटकरे यांनी याआधी पालकमंत्री म्हणून चांगलं काम केल्यामुळे त्यांना पुन्हा एकदा ही संधी द्यायला हवी, अशा प्रकारच्या प्रतिक्रिया येत आहेत, यावर तुमचं मत काय? या प्रश्नावर गोगावले म्हणाले, त्यांनी चांगलं काम केलं असेल तर आम्ही काय वाईट काम करणार आहोत का? आम्ही त्यांच्यापेक्षा अधिक चांगलं काम करुन दाखवू, असा दावाही गोगावले यांनी केला. गोगावले यांच्या या वक्तव्यावरुन ठाकरे गटाच्या नेत्या सुषमा अंधारे यानी तीव्र संताप व्यक्त केला आहे. गोगावले यानी महिला, पुरुष असा फरक करु नये, गोगावले यांचाही त्याग आहे. त्यांच्याविषयी मला सहानुभूती आहे, असा टोलाही अंधारेंनी लगावला. पालकमंत्रीपदासाठी आग्रही नाही

रायगडचे पालकमंत्रीपद अदिती तटकरे यांनाच मिळावे, यासाठी आपण कदापि आग्रह धरलेला नाही, असे खा. सुनील तटकरे यांनी जाहीर केले आहे. यामुळे शिंदे गटाचे आ. भरत गोगावले यांचा मंत्री होण्याचा तसेच रायगडचे पालकमंत्री बनवण्याचा मार्ग आता सुकर झाला आहे. अजित पवारांच्या सहभागाने राजकीय गणिते बदलली गेली. त्याचे पडसाद गेले आठवडाभर रायगडातही उमटत आहेत. पालकमंत्रीपदी पुन्हा

अदिती तटकरेच येणार अशी अटकळ व्यक्त केली जात आहे. त्यावरुन शिंदे गटाचे आम. भरत गोगावले, महेंद्र थोरवे, महेंद्र दळवी यांनी जोरदार विरोध करीत पालकमंत्रीपद हे शिंदे गटाला आणि ते पण भरत गोगावले यांनाच मिळाले पाहिजे, असा आग्रह धरला. यावरुन राजकीय विवादही निर्माण झाला. अखेर खा. सुनील तटकरे यांनीच आम्ही पालकमंत्रीपदासाठी आग्रही नाही, असे जाहीर केल्याने आता गोगावले यांचा मार्ग निर्वेध झाला आहे. मात्र अद्याप त्यांचा मंत्रिमंडळात समावेश झालेला नाही. संभाव्य विस्तारात गोगावले यांचे नाव आहे. त्यात समावेश झाला तर पालकमंत्रीपद त्यांच्याकडे जाईल, अशी अटकळ आहे.