📍जे.एस.डबल्यूच्या दलालांकडून गडब (खारमाचेला) हददीतील शेत कऱ्यांच्या जमिनीत अनाधिकृत भातपेरणी !, 📍

Responsive Ad Here

गडब/सुरेश म्हात्रे

पेण तालुक्यातील उत्पादनात अग्रेसर असणाऱ्या जे . एस . डब्ल्यू स्टिल लि डोलवी ता पेण या कंपनीच्या हददीतील गडब खारमाचेला खाडीत पत्रकार सुरेश म्हात्रे यांची शेतजमिन आहे . सदर जमिन कंपनीला अजूनही विकलेली नाही . सदर जमिनीत अनाधिकृत भातपेरणी केल्याचे नित्पन्न झाले आहे . त्या सदर्भात म्हात्रे आणि त्यांच्या पत्नी वडखळ पोलीस ठाण्यात तक्रार दाखल करण्यासाठी गेले असता तेथील ठाणे अम्मलदार यांनी उडवाउडवीची न पटणारी उत्तरे दिली .

तदनंतर संबंधीत तक्रारदार जिल्हा पोलीस प्रमुख सोमनाथ घार्गे साहेब यांच्याकडे तक्रार दाखल केली . जे एस डब्ल्यूच्या दलालाकडून खारमाचेला हद्दीतील जमिन सपाटीकरण करण्याचे काम या दलालांमार्फत करण्यात आले होते . त्यातच कंपनीने भात पेरणी करण्यासाठी बीयाणाचा पुरवठा केला होता . सदर भातपेरणी करण्यासाठी तुळशीदास कोठेकर आणि मोरेश्वर म्हात्रे या दलालानी शेतकऱ्याशी गोड बोलून भात पेरणी करण्याचे निश्चय केले होते मात्र पत्रकार सुरेश म्हात्रे यांनी आपली जमिन कंपनीला विकलेली नाही अशातच सदर जमिनीत भातपेरणी केली होती . सदर जमिनी ह्या २०१२ पासून कंपनीमुळे खारे पाणी घूसल्याने सदर जमिनी नापीक झाल्या आहेत . सदर जमिनीची नुकसान भरपाई शेतकऱ्यांना द्यायला नको या हेतून कंपनीने सदर जमिनी . पीकत्या दाखवण्यासाठी हा डाव आखल्याचे समजते .वास्तविक पाहता जी जमिन कंपनीला विकलेली नाही त्या जमिनीत कंपनी ला भातपेरणी करण्याचा अधिकार कोणी दिला? या संदर्भात जिल्हा पोलीस प्रमुख सोमनाथ घार्गे यांच्याकडे कैकीयत मांडली असून कडक कारवाई करण्याची मागणी पत्रकार सुरेश म्हात्रे यानी केली आहे.

सदर कंपनीच्या या डावाला कोणत्याही शेतकऱ्यांनी बळी पडू नये अभी मागणी पत्रकार सुरेश म्हात्रे यांनी केली आहे .