गडब / सुरेश म्हात्रे
विक्रम-मिनिडोअर चालक मालक संघटने साठी गेली 20 वर्षापासून आरक्षित असलेली स्टँडची जागा पेण नगरपालिका घेऊ पाहात असताना, विक्रम चालकांवर उपासमारी- - ची वेळ येऊ नये या साठी विक्रम स्टैन्ड ची जागा अबाधीत ठेवण्यासाठी तुमच्या सोबत असून कोणतीही तडजोड न करता एक इंचही जागा देणार नसून शेवटपर्यंत विक्रम चालकांबरोबर राहून त्यांना न्याय मिळवून देणार असल्याचे शिवसेना नेते विष्णुभाई पाटलांनी मार्गदर्शन करताना सांगीतली.
या न्याय हक्कासाठी विष्णु भाईयांच्या मार्गदर्शनाने येत्या 10 फेब्रुवारी रोजी पेण नगरपालिकेवर विक्रम चालकांचा विराट मोर्चा काढून प्रशासनाला जाब विचारणार आहेत.
पेण विक्रम - मिनिडोअर, इको चालक मालक संघटनेची सभा बापदेव देवस्थान सावरसई येथे पार पडली. यावेळी शिवसेना नेते नरेश गावंड, तालुका प्रमुख जगदीश ठाकूर, मंगेश दळवी, नगरसेवक शोमेर पेणकर, संतोष पाटील सर्व लाईनचे अध्यक्ष, पदाधिकारी व विक्रम चालक मोठ्या संख्येने उपस्थित होते.
यावेळी विष्णू भाई यांनी मार्गदर्शन करताना सांगितले की या विक्रम
स्टँडचे आरक्षण उठविण्यासाठी अनेक वेळा प्रयत्न झाले. मात्र सदरची जागा घोडा स्टँन्ड म्हणून आरक्षीत असताना दुसरी कोणतीही जागा उपलब्ध नसल्याने सदरचा आरक्षित स्टॅन्ड ची जागा पेण नगरपालिका प्रशासन घेऊ पाहात आहे. मात्र त्याचा परिणाम शेकडो विक्रम चालकांवर होणार असून यापुढे एक इंचही जागा पेण नगर पालिकेला देणार नसुन कोणतेही आंदोलन करावे लागलो तरी चालेल. यापुढे कोणतीही तडजोड न करता जागा देणार नसल्याचे यावेळी ठणकावून सांगितले
प्रशासनाच्या दबावाला बळी न पडला सर्वानी एक होवुन लढण्यासाठी सज्ज व्हा आसे आवाहन केले आहे.
विक्रम स्टॅन्डच्या न्याय हक्कासाठी तसेच न.पा प्रशासना विरोध दर्शविण्यासाठी या १० फेब्रुवारीला पेण नगरपालिकेवर हजारो विक्रम चालक मालक व कुटुंबियांचा
मोर्चा धडकणार असून शिवसेना, शेकाप व अन्य संघटनेने पाठींबा मिळणार आहे.
