गडब/सुरेश म्हात्रे
पांडापूर येथील शिवसेनेचे मा.तालुका प्रमुख हिराजी चोगले यांच्याकडे स्थानिकाच्या वरंवार तक्रारी जात असल्याने अखेर जनहितासाठी हिराजी चोगले यांनी जिल्हाधिकारी रायगड यांच्याकडे पाडापूर येथील पेट्रोल पंपा विरुध्द तक्रार नोंदवली असून या तक्रारीमध्ये नमूद केले आहे की,पांडापूर येथे एच. पी. कंपनीचा पेट्रोल पंप (मालक श्री. निरज धर्मराज दुबे ला. नं. झ/थऊ/चक/१४/२५०२(झ२८४१९)सुरु होऊन आज २० ते २५ वर्षे झालेली आहेत.परंतु ,पेट्रोल पंप सुरू झाल्यापासून येथे अद्यापर्यंत फक्त डिझेलची विक्री केली जात आहे. येथे पेट्रोल उपलब्ध केलेले नाही. हा पेट्रोलपंप नागोठणे वडखळच्या दरम्यान महामार्गावर आहे. परंतु येथे पेट्रोल उपलब्ध नसल्यामुळे स्थानिक नागरीक व आजूबाजूच्या परिसरातील मावताल नागरिकांना पेट्रोलसाठी १५ ते २० कि.मी. वडखळ किंवा नागोठणे येथे पेट्रोलसाठी जावे लागते. त्यामुळे नागरिकांना नाहक वेळ व पैसा वाया जातो. तसेच हा पेट्रोलपंप महामार्गावर असून देखील रात्रीच्या वेळी अनेक वाहनधारकांना पेट्रोल न मिळाल्यामुळे त्यांनी गैरसोय होत असते.
तसेच सदरील पंपाची चौकशी होउन या पेट्रोल पंपावर नियमाप्रमाणे बरोबर पेट्रोल विक्री करणेबाबत सुचना दयाव्यात अन्यथा शिवसेना स्टाईलने रस्त्यावर उतरून उत्तर दिले जाईल असे प्रसार माध्यमांशी बोलताना हिराजी चोगले यांनी सांगितले.
