पेण शहरात चक्री जुगाराचा मायाजाळ पसरलेला असून ,अनेक जुगार वेडे तरुण यामध्ये गुरफटत चालले आहेत .
याप्रकरणी कडक कारवाई करण्याची मागणी जोर धरू लागली आहे .या चक्री जुगारामुळे अनेकांचे संसार उध्वस्त होण्याच्या मार्गावर आलेले आहेत .
पेण शहरातील बस स्थानकासमोर असलेला भाजीपाला मार्केट येथील नवीन वास्तूमध्ये चक्री जुगाराचा अड्डा राजरोसपणे सुरू असून, या ऑनलाइन जुगाराच्या व्यसनाने सध्याची तरुण पिढी बिघडत चालली आहे .
त्यामुळे भविष्यातील संभाव्य अनुचित प्रकार रोखण्यासाठी व कायदा सुव्यवस्था कायम टिकून ठेवण्याच्या दृष्टीने महाराष्ट्राचे पोलीस महासंचालक व रायगड जिल्ह्याचे पोलीस अधीक्षक सोमनाथ घर्गे तसेच पेणचे पोलीस निरीक्षक देवेंद्र पोळ यांनी तातडीने सदरच्या ऑनलाइन चक्री जुगारावर कारवाईचे आदेश देऊन हा अवैद्य चक्री जुगार बंद करावा अशी मागणी पेणच्या व महिला वर्गाकडून केली जात आहे.पोलीस कारवाईची नागरिकांना प्रतीक्षा आहे . तसेच चक्री जुगार बंद न केल्यास जनआंदोलन उभारले जाईल असे सुज्ञ नागरीकातून बोलले जात आहे .
