🛑निर्भिड पत्रकार रायगडची शानचे संपादक सुरेश म्हात्रे यांचे निधन

Responsive Ad Here

✍🏻गडब / प्रतिनिधी

पेण तालुक्यातील गडब -काराव गावातील निर्भीड पत्रकार व साप्ताहिक 'रायगडची शान' चे संपादक सुरेश सीताराम म्हात्रे यांचे दिनांक ७ मे रोजी हृदय विकाराच्या झटक्याने निधन झाले. त्यांच्या पश्चात पत्नी अवंतिका म्हात्रे, दोन मुली एक मुलगा व इतर नातलग असा परिवार आहे.

" *शब्दांची लेखणी विसावली, विचारांचा सूर्य मावळला...*

सुरेश म्हात्रे यांची एक निर्भीड पत्रकार, सच्चा विचारवंत अशी ओळख होती.

त्यांनी आपल्या लेखणीतून केवल बातम्या लिहिल्या नाहीत, तर समाजाला दिशा देण्याचा प्रयत्न केला . समाजातील अन्यायाविरुद्ध त्यांची लेखणी तलवारीपेक्षा धारदार होती. जनतेच्या समस्या शासन -प्रशासन दरबारी पोहचवून प्रत्येक समाज घटकाला न्याय द्यायचा त्यांचा प्रामाणिक प्रयत्न राहिला . सत्यासाठी लढणारा, सर्वसामान्यांच्या वेदनेला वाचा फोडणारा तो आवाज आज कायमचा शांत झाला आहे. त्यांची लेखनी पुढेही अशीच सुरू ठेवण्याचे त्यांचे स्वप्न यापुढेही सुरू राहील .

त्यांचे उत्तरकार्य विधी- दशक्रिया विधी शनिवार दि. १६ मे रोजी उद्धर -पाली येथे होईल.तर तेरावा विधी मंगळवार दि. १९ मे रोजी राहत्या घरी गडब, काराव पेण येथे होईल .