*🛑पेण राष्ट्रवादी काँग्रेस पक्षाच्या कार्यकर्त्यांकडून जल्लोष साजरा ; १०० दिवसाच्या कार्यालयीन सुधारणा कार्यक्रमात आदिती ताईंची बाजी ;महाराष्ट्रात महिला व बालविकास विभाग प्रथम क्रमांकावर*

 

✍🏻गडब / अवंतिका म्हात्रे

 महाराष्ट्राचे मुख्यमंत्री देवेंद्र फडणवीस यांच्या माध्यमातून शंभर दिवसाच्या कार्यालयीन सुधारणा कार्यक्रमाचे आयोजन करण्यात आले होते या कार्यक्रमात मंत्री अदिती तटकरे यांच्या महिला व बालविकास विभागाचा प्रथम क्रमांक आला आहे.

    मुख्यमंत्री देवेंद्र फडणवीस यांनी शंभर दिवसाच्या कार्यालयीन सुधारणा कार्यक्रमाचा निकाल जाहीर केला यावेळी महिला व बालविकास विभागाला १०० पैकी ८० गुण मिळाले त्यामुळे अदिती तटकरे यांचा महिला व बालविकास विभाग पहिल्या क्रमांकावरती आहे तर सार्वजनिक बांधकाम विभाग दुसऱ्या क्रमांकावर आणि कृषी विभाग तिसऱ्या       क्रमांकावरती आहे.

मंत्री अदिती तटकरे यांना हा बहुमान मिळाल्याने संपूर्ण महाराष्ट्रात राष्ट्रवादी काँग्रेस पार्टीच्या कार्यकर्त्यांकडून आनंद साजरा केला जात आहे

   निकाल जाहीर होताच पेण तालुका व शहर राष्ट्रवादी काँग्रेस पार्टीच्या कार्यकर्त्यांनी छत्रपती शिवाजी महाराजांच्या स्मारकाजवळ जोरदार घोषणाबाजी करीत फटाके वाजून आनंद साजरा केला.

    रायगडची सुकन्या रायगडचा बुलंद आवाज महाराष्ट्राच्या महिला व बालविकास मंत्री अदितीताई तटकरे यांनी जो काम केला आहे त्या कामाची पोहोचपावती म्हणून त्यांना हा बहुमान मिळालेला आहे त्यामुळे महाराष्ट्राच्या तमाम जनतेच्या वतीने अभिनंदन केले जात आहे तसेच राज्याचे मुख्यमंत्री देवेंद्र फडणवीस, उपमुख्यमंत्री अजितदादा पवार आणि उपमुख्यमंत्री एकनाथजी शिंदे यांनी जो उद्दिष्ट ठेवला होता तो उद्दिष्ट पूर्ण करण्याचे काम अदिती ताईच्या

खात्याने केला आहे म्हणून आम्ही हा आनंद साजरा करीत आहोत असे राष्ट्रवादी काँग्रेस पक्षाचे पेण विधानसभा अध्यक्ष नरेंद्र ठाकूर यांनी बोलताना सांगितले.

    .महाराष्ट्राच्या राजकारणात खासदार सुनील तटकरे आणि मंत्री अदितीताई तटकरे यांची कामगिरी उल्लेखनीय राहिली आहे. एवढेच नाही तर रायगड जिल्ह्यात विकासाचे काम करून रायगड जिल्ह्याला गतिमान करण्याचे काम त्यांनी केले आहे त्यामुळे महाराष्ट्र राज्याच्या मुख्यमंत्र्यांना विनंती करतो की रायगडच्या पालकमंत्री पदी अदिती ताई तटकरे यांची तातडीने निवड करण्यात यावी. महाराष्ट्रात आदिती ताईंनी अतिशय चांगले काम केले आहे त्यामुळे त्यांना हा बहुमान मिळाला आहे म्हणूनच पालकमंत्री पदाची माळ आदिती ताईंच्या गळ्यात पडेल अशी आशा आम्ही बाळगतो असे पेण तालुका राष्ट्रवादी काँग्रेस पक्षाचे अध्यक्ष दयानंद भगत म्हणाले.

     यावेळी राष्ट्रवादी काँग्रेस पार्टीचे विधानसभा अध्यक्ष नरेंद्र ठाकूर, तालुकाध्यक्ष दयानंद भगत, जिल्हा वकील सेल अध्यक्ष मंगेश नेने, विधानसभा सचिव प्रभाकर लांगी, वडखळ विभाग अध्यक्ष राजेश वर्तक, तालुका उपाध्यक्ष महेंद्र वर्तक, तालुका सचिव नरेंद्र म्हात्रे, तालुका चिटणीस अजित ठाकूर, विभाग अध्यक्ष प्रभाकर निंगावळे, हमरापूर माजी सरपंच प्रदीप म्हात्रे, अमित कुंभार, आनंद जाधव, तसेच महिला कार्यकर्त्या जिल्हा चिटणीस मीनाक्षी पाटील, शहराध्यक्ष सूचिता चव्हाण, युवती अध्यक्ष मुस्कान झटाम, तालुका उपाध्यक्ष जयश्री पाटील, उपाध्यक्ष सुनीता घरत, स्वाती म्हामणकर आणि इतर कार्यकर्ते यावेळी उपस्थित होते.