🛑दिव्यांग व्यक्तींनी स्वावलंबी होण्यासाठी ५% दिव्यांग निधीमधील वैयक्तिक अर्थसहाय्य / विविध योजनांचा लाभ घ्यावा* - *डॉ भरत बास्टेवाड मुख्य कार्यकारी अधिकारी रा. जि . प .🛑

Responsive Ad Here

*✍🏼गडब / अवंतिका म्हात्रे*

रायगड जिल्हा परिषद, अलिबाग ही दिव्यांगांच्या कल्याणासाठी सातत्याने विविध योजना, उपक्रन राबवित असते. रायगड जिल्हा परिषदेने दिव्यांगाना त्यांच्या दैनंदिन जीवनामध्ये चलन वलण अत्यंत सुलभरित्या करता यावे या उदात्त हेतूने अतितीव्र दिव्यांगत्व (६०% पेक्षा जास्त) असलेल्या दिव्यांगांसाठी सहाय्यभूत साधने न्हणून (स्कुटी साईड व्हीलसह) पुरविणेची योजना अर्थसंकल्पामध्ये रागाविष्ठ केली आहे.

या योजनेअंतर्गत सद्यस्थितीमध्ये दिव्यांगांना (स्कुटी साईड व्हीलसह) खरेदी करण्यासाठी रक्कम रूपये १ लक्ष १० हजार इतके १००% अनुदान देण्यात येते. तसेच दिव्यांगांना व्यक्तींना स्वयंरोजगारासाठी पीठ गिरणी, शिलाई मशीन, मिरची कांडप, पत्रावळी नशीन, पापड मशिन, झेरॉक्स मशीन, इ. वस्तूंची खरेदीकरणेसाठी अर्थसहाय्य दिले जाते. सदरचे अर्थसहाय्य हे थेट लाभार्थ्यांच्या बँक खात्यावर जमा केले जाते. तसेच दिव्यांग अव्यंग व्यक्तींशी विवाहितांना आर्थिक सहाय्य देणे ( १ प्रप्रिल २०१४ ) नंतर चे विवाहीत जोडपे असणे आवश्यक आहे .

या योजनांसाठी विहित नमुन्यातील अर्ज, रायगड जिल्हयाचा रहिवासी दाखला किंवा रेशनकार्डची झेरॉक्स प्रत, ऑनलाईन वैश्विक प्रमाणपत्र UDID Card वैद्यकीय मंडळाकडील किंमान ४०% दिव्यांगत्वाचा दाखला, दारिद्र रेषेखालील लाभाथ्यांस प्राधान्य, सक्षम प्राधिका-यांचा उत्पन्नाचा दाखला (अक्षरी १ लक्ष रूपयेच्या आतील) अथवा कुटुंब दारिद्रय रेषेखालील असल्याचा संबंधित ग्रामसेवकाचा दाखला, मतिमंद व बहुविकलांग पाल्याचा पालकांरा लाभासाठी पात्र ठरविण्यात येईल. (नाल्याचा अपंगत्वाचा दाखला सादर करणे अनिवार्य), यापूर्वी या योजनेचा लाभ घेतलेला नसावा. दिव्यांग व्यक्तींस एक वर्षात एकच लाभ देण्यात येतो. बँक पासबुकची झेरॉक्स प्रत असे एकत्रित सर्वसाधारण निकष आहेत. या योजनेच्या निकषानुसार पात्र असलेल्या दिव्यांग व्यक्तींनी तालुक्याच्या गट विकास अधिकारी, पंचायत समिती कार्यालयाशी संपर्क साधुन विहित नमुन्यातील अर्ज प्राप्त करून घ्यावा व आवश्यक त्या सर्व कागदपत्रांच्या प्रतीसह परिपूर्ण अर्ज गट विकास अधिकारी, पंचायत समिती यांच्या मार्फत जिल्हा परिषदेच्या दिव्यांग कल्याण विभाग, समाजकल्याण विभागाकडे सादर करावेत असे आवाहन डॉ. भरत बास्टेवाड, मुख्य कार्यकारी अधिकारी, रायगड जिल्हा परिषद, अलिबाग यांनी केले आहे.