📍सुरेश लाड देणार पवारांना साथ!📍

      

गडब/सुरेश म्हात्रे 

 कर्जत माजी आमदार सुरेश लाड यांनी पुन्हा राजकीय आखाड्यात उडी घेतली असून त्यांनी राष्ट्रवादीचे अध्यक्ष शरद पवार यांच्यासोबत राहणार आहेत. त्यामुळे कर्जतचे लाड आणि खोपोलीचे मसुरकर हे राष्ट्रवादीचे जुने नेते पवारांचे हात बळकट करताना दिसणार आहेत. कर्जत आणि खालापूर या मतदारसंघात तीन वेळा प्रतिनिधित्व करणारे माजी आमदार सुरेशलाड यांनी आता थेट राजकीय आखाड्यात उडी घेतली आहे.

1992 मध्ये रायगड जिल्हा परिषदेचे अध्यक्ष सुनील तटकरे बनले आणि कर्जत पंचायत समितीमध्ये सभापती सुरेश लाड बनले. तेंव्हापासून रायगडाच्या राजकारणात हे दोन एस कौटुंबिक मित्र बनले. कर्जतमध्ये आल्यावर सुरेश लाड यांच्याकडे आल्याशिवाय कधीही न परतणारे सुनील तटकरे यांनी मागील काही महिन्यात तटकरे लाडांचे घर वगळू लागले. मागील महिन्यात विद्यार्थी गुणगौरव सोहळा जो सुरेश लाड यांनी 20 वषारपूर्वी सुरु केला. त्या कार्यक्रमाला सुनील तटकरे आल्याने सुरेश लाड यांनी दहिवली येथील आपल्या घरी बसून राहणे पसंद केले होते.

सुरेश लाड यांनी आता शरद पवार यांच्यासोबत जाण्याचा घेतलेला निर्णय यामुळे पक्षाचे जुने कार्य र्ते शरद पवार यांना बाळ देण्यासाठी सरसावले असल्याचे चित्र आहे. त्यात रायगड जिल्हा अध्यक्ष मधुकर पाटील हे अजित पवर गटाचे प्रदेश अध्यक्ष यांच्या सोबत असल्याने राष्ट्रवादीचे प्रदेश अध्यक्ष जयंत पाटील यांच्याकडून नवीन जिल्हा अध्यक्ष नेमले जाणार आहेत. शरद पवार यांचे अनेक दशकांचे सहकारी म्हणून समजले जाणारे खोपोलीचे दत्तयंत्र मसुरकर हे देखील शरद पवार यांचे हात बळकट कारण्यासाठी पक्ष बांधणी साठी उतरण्याच्या तयारीत आहेत.

त्यामुळे सुरेश लाड, दत्तात्रेय मसुरकर यांनी सुनील तटकरे यांच्याशी घेतलेला पंगा कितपत यशस्वी ठरणार हे आगामी काळात स्पष्ट होणार आहे. अजित पवार यांनी शिंदे- फडणवीस यांच्या सरकारमध्ये जाण्याचा निर्णय घेतला आणि त्यानंतर कर्जत मतदारसंघातील राष्ट्रवादी काँग्रेस मधील दोन गट हे उघडपणे वेगवेगळ्या वाटेने जाणार हे निश्चित झाले. यात सुधाकर घारे हे अजित पवार यांच्यासोबत राहणार आहेत. तर माजी आमदार सुरेश लाड, खोपोलीचे माजी नगराध्यक्ष दत्ताजी मसुरकर हे शरद पवार यांना साथ देणार आहेत. अर्थात जिल्ह्यात सुनिल तटकरे यांच्यासमोर उभे ठाकणार आहेत.