गडब/सुरेश म्हात्रे
⬛एका पोलिस ठाण्यातून किंवा जिल्ह्यातून दुसरीकडे बदली झाल्यास, संबंधित पोलिस अधिकाऱ्याला निरोप देताना कौतुकसोहळा आयोजित केला जातो. खाकी गणवेशावर रंगीत फेटे बांधणे, पुष्पवर्षाव, किंवा या अधिकान्याला सरकारी वाहनात बसवून ते बाहह्न दोन्या बांधून ओढण्याचे प्रकार केले जातात. सोशल मीडियावर प्रसिद्धी मिळवण्याच्या अशा प्रकारांची पोलिस महासंचालक रश्मी शुक्ला यांनी गंभीर दखल घेतली असून, बदल्यांनंतरचे असे सोहळे बंद करण्याचे आदेश त्यांनी दिले आहेत.
पोलिस दलात अधिकारी आणि कर्मचाऱ्यांची काही ठरावीक कालावधीनंतर बदली केली जाते. आपण किती चांगले अधिकारी होतो, हे
भासवण्यासाठी बदली करून जाणारे पोलिस स्वतःचा सत्कार सोहळा आयोजित करून घेतात. जणू संबंधित अधिकारी पोलिस दलातून सेवानिवृत्तच होत आहे, अशा पद्धतीने हा कार्यक्रम केला जातो. रंगीत फेटे बांधणे, फुलांचा वर्षाव करणे आणि या अधिकान्याचे
सरकारी वाहन दोरी बांधून ओढत नेणे,
असे प्रकार अलिकडे वाढले आहेत. आपली प्रतिमा किती चांगली आहे हे भासवण्यासाठी या कार्यक्रमाचे व्हिडीओ सोशल मीडियावर प्रसारित केले जातात, हे प्रकार पोलिस दलाच्या प्रमाणित कार्यपद्धतीला अनुसरून नसल्याचे स्पष्ट करत, बदली झालेल्या अधिकान्यांचे निरोप सोहळे टाळण्याचे आदेश पोलिस महासंचालक शुक्ला यांनी राज्यातील पोलिसांना दिले आहेत,वडखळ पोलीस ठाण्यात अशा प्रकारचे कृत्य केल्याने परिसरातील नागरिकांनी खेद व्यक्त केल्याचे समजते . याबाबत गडब येथील पत्रकार सुरेश म्हात्रे यानी पोलीस महासंचालक रश्मी शुक्ला यांच्याकडे लेखी तक्रार केली आहे. अशा प्रकारचा कार्यक्रम होणार नाही याची दक्षता वरिष्ठ अधिकाऱ्यांनी घ्यावी, असे त्यांनी आदेशात नमूद केले आहे. त्याचबरोबर असे सोहळे आयोजित केल्याचे आढळल्यास, संबंधित अधिकारी आणि कर्मचान्यांच्यावर कडक कारवाई केली जाईल, असा इशाराही त्यांनी दिला आहे.
